Жас ақындар

 Қос жұлдызым

Қос жұлдыздай жарық берген көгімде,

Шырқап жүрер жүрегімнің әні де.

Мені алға жетелейтін мәңгіге

Әке, ана, сендер берген мейірімде.

Асыл ана, ардақты әке, сендерге

Жыр боп тамдым жүрегіңнің көліне.

Шіркін, мына кең даламның төрі де

Сендерменен байтақ маған тегінде!

Сендерменен маған уайым жуымас,

Еш қайғы-мұң көңіліме дарымас.

Сендерменен көгімде күн сөнбейді,

Қара бұл та ентелеп кеп төнбейді.

Дәуірлерден дәуірлерге ұласып,

Тағдырлардан тағдырларға ту асып

Кетсе егер тамыр жайып өркенім,

Мұның бәрі тек сендердің тілегің.

Қуанышпен жасандырған көңілді,

Шаттықпенен безендірген өмірді.

Ақ батамен айғақтаған жолымды,

Әке, ана, тек сендердің сезімің.

Шырай беріп, қуаттаған төзім де,

Бал дәуреннің ғажабы мол кезі де,

Өмірлік сын, ұлы сал жол салалы-

Барлығы да өздеріңнен дарыды.

Қымбат маған есімдерің тұлғалы,

Жалғастыру міндетімде арманды.

Тағдырымның риза болып алдында,

Бас иемін қасиетіңді ұғына.

Алақанға салып қана мәпелеп,

Болашаққа нық қадаммен жетелеп,

Бұлғаң қағып, сайран салып, еркелеп

Жүргеніме тек сендердің махаббатың сеп беред.

Қажырыңды, ақ сүтіңді аялы,

Ақ сезімнің, мол шуағы саялы,

Мен сөз берем, бұл жырым да айғағы-

Парызымды өтеп жүрем күн алды.

​

Туған жер

Алыс кетсем туған жердің төсінен,

Сағынышым сары күй боп төгілген.

Шабытыма артып алып қаламды

Туған жерге бар сезімімді төгілтем.

 

Ақ таңдары туған жердің – ару қыз,

Рауан кеші бір сүйкімді сары күз.

Сондағы бар тамашаны көруге

Қашанда да жүрегіммен асықпыз.

 

Туған жерге ғашық емес жоқ адам,

Туған жерім - әкем, анам, бар ғалам.

Сол ғаламда кіндік қаным тамғаннан

Менен артық бақытты да жоқ адам.

 

Ыстық маған тауы, тасы, даласы,

Шипа маған өзен-суы, ауасы.

Мендегі бар махаббаттым өзіңе

Еркелеуім саған содан балаша.

 

Алыс кетсем туған жердің төсінен,

Сағынышым сары өлең боп өрілген.

Басымды иіп, тағзым етіп отырмын,

Өйткені, Ұлы жердің қызы мен.